Кеңес Одағының батырлары
 |
Кеңес Одағының Батыры – жоғары дәрежелі атақ болып табылады, ол ерен ерлік жасап, мемлекет алдында жеке немесе ұжымдық еңбек сіңіргендерге берілген. КСРО Орталық Атқару Комитеті 1934 жылғы 16 сәуірдегі Қаулысымен енгізілген. Кеңес Одағының Батыры туралы Ережені КСРО Орталық Атқару Комитеті 1936 жылдың шілде айында бекіткен. Кеңес Одағының Батыры КСРО ордендерінің қатарында ең жоғары сатыда тұратын Ленин ордені, айырықшылықтың ерекше белгісі – КСРО Жоғарғы Кеңесі Президиумының 1939 жылғы тамыз айындағы Жарлығымен бекітілген «Алтын Жұлдыз» медалі мен КСРО Жоғарғы Кеңесі Президиумының Грамотасы тапсырылған. Әр түрлі ұлттар Батырлар бір қатарында тұр. Ұлы Отан соғыс жылдар бойы Кеңес Одағының батыры атағына 60-тан астам ұлт және халық өкілдері ие болды. |
Шығыс Қазақстаннан 109 жауынгерлер мен офицерлер Кеңес Одағының батыры атағына ие болды:
Крахмаль Алексей Семенович
(1911 - 1987)
1911 жылы Шығыс Қазақстан облысы Марқақөл ауданының Алексеевка ауылында дүниеге келген.
Майдан шебінде 1941 жылдан бастап болған. Брянск, 2-ші Украин және 1-ші Белорус майдандарында соғысқан. Корсунь-Шевченко шақасына қатысқан. Оның батареясы 1944 жылғы маусымда Колосы, Скачки, Колотовка және Поболово елді мекендерін алуға қатысқан. Жауынгерлік жолын Германияның солтүстігінде аяқтаған.
ІІ дәрежелі Отан соғысы орденімен марапатталған.
КСРО Жоғарғы Кеңесі Президиумының 1944 жылғы 28 – тамыздағы Жарлығымен А.С. Крахмальға Кеңес Одағының Батыры атағы берілді.
Шығыс Қазақстан облысының мемлекеттік мұрағаты, 753қ., 1т., 28і.; 809қ., 1т., 184і.
Батырдың есімі Күршім ауданы Теректі ауылындағы көшеге берілген.
Кеңес Одағының Батыры, лейтенант, 1-ші Белорус майданының 48-ші армиясының 29-шы атқыштар корпусының 713-ші өздігінен жүретін артиллериялық полкінің батарея командирі. Гомель облысын азат ету кезінде, Днепрді азат етуде ерекше көзге түсті. Ленин, І және ІІ дәрежелі Отан соғысы ордендерімен, "Алтын Жұлдыз" медалімен марапатталған.
