ШҚО ардагерлері сайтының жобасын құру туралы

Шығыс Қазақстан облысында 1941-1945 жылдардағы Ұлы Отан соғысындағы Жеңістің 70 жылдығын мерекелеу бойынша Шығыс Қазақстан облысының әкімі Д. Ахметов бекіткен Іс-шаралар жоспарына сәйкес, «Шығыс Қазақстан облысының ардагерлері» сайты құрылды.

«Шығыс Қазақстан облысының ардагерлері» veteran-vko.kz  сайтының  мақсаты - Ұлы Отан соғысындағы Жеңіске шығысқазақстандықтардың қосқан үлесі туралы ақпаратқа қол жеткізуін қамтамасыз ету, сондай-ақ әртүрлі ақпарат көздерден жинақталған материалдарды жүйелеу.

Бүгінгі таңда кез келген адамға осы веб–ресурсқа майданда шайқасқан немесе тылда қызмет еткен туыстары мен жақындары туралы ақпарат қалдыруға болады.

Сайтты «Кеңес Одағының батырлары», «Даңқ Орденінің иегерлері», «Ұлы Отан соғысының қатысушылары», «Жеңіс тылда шыңдалды», «Олардың есімімен аталды», «Ардагерлер кеңесі», «Ер есімі ел есінде», «Беттерді парақтай отырып» сынды және т.б. айдарлар қамтиды.

Сайттағы материалдар мемлекеттік мұрағаттар, мұражайлар, кітапханалар тарапынан ұсынылды. Жинақталған қордағы мәліметтер қатарына құжаттар жинағы, фотосуреттер, майдангерлердің хаттары, мектеп оқушыларының шығармалары да жатады.

«Ер есімі ел есінде ...» айдары ерекше бағалы болып табылады, ондағы бейнежазбаларда соғыс ардагерлерінің дауыстары жазылып, олардың бастан кешкен оқиғалары туралы әңгімелері, олардың командирлері мен майдандастары, үйден келген хабар-ошардың маңыздылығы туралы баяндалған.  

Қазіргі күні сайттағы ақпарат үнемі жаңартылып және толықтырылып тұрады. Алдағы уақытта бұл ресурсты өскелең ұрпақ ақпарат көзі ретінде пайдалана алады, сонымен бірге жастар батыр жерлестерін біліп, есінде сақтайды.