Николай Федорович Кужелев  01.01.1916 ж. Томбов облысы Моршанский ауданының Александровка ауылында туған. Қызыл Әскер қатарына 1939 ж. желтоқсан айында шақырылды, Ұлы Отан соғысында 1941 ж. тамыз айынан – 42-ші гвардиялық атқыштар дивизиясының 44-ші жеке барлаушы ротасының взвод командирының көмекшісі болған (40-шы әскер, 2-ші Украин майданы). 1944 ж. 19 наурызда Кужелев барлаушы тобына бас болып Лозовое ауылына (Украина) басып кіріп, өзен арқылы өтетін көпірді жаруға талпынған жау сапарлерімен болған соқтығыста 4 гитлершілерді жойып қалғандарын алды-арты қаратпай қашыртты. Аман қалған көпір келе жатқан бөлімдерге алға жылжу мүмкіндігін берді. 1944 ж. 21 наурызда ат барлау взводы Кужелевтың басшылығымен Слободище қ. оңтүстік-батысына қарай жерде (Житомир облысы) орналасқан жауға кенеттен шабуыл жасады. 8 гитлершілер өлтіріліп, 2 тұтқынға алынды. 18.05.1944 ж. 3-ші дәрежелі Даңқ орденімен марапатталды. 1944 ж. 24 тамызында ат барлау взводының құрамында Кужелев Циибукань-де-Сус елді мекеннің маңындағы (Молдова) шайқаста көзге түсті. Дұшпанды қоршауға алғаннан кейін бір топ жауынгерді қарусыздандырып, соғыс олжаларын алып қалды, оның ішінде минометтер, әр түрлі калибрлі оқ-дәрілер және көп әскери мүлік. 20.09.1944 ж. 2-ші дәрежелі Даңқ орденімен марапатталды. 1944 ж. 4 қыркүйегінде барлау тобының құрамында Дердьо, Тэлдьешь елді мекен қасында (Венгрия) жау орналасқан жерге жасырын жақындап 2 дұшпанды тұтқынға алды, оларда құнды мәліметтер алынды. 28.04.1945 ж. 1-ші дәрежелі Даңқ орденімен марапатталды. 1945 ж. маусым айында әскер қатарынан босатылып, Семей облысы Мақыншы ауданының Благородное, кейін Алматы облысының Қаскелен қ. тұрған.          

Шығыс Қазақстан облысының қазіргі заман тарихын құжаттандыру орталығы