Кеңес Одағының батырлары
Кеңес Одағының батырлары Кеңес Одағының Батыры – жоғары дәрежелі атақ болып табылады, ол ерен ерлік жасап, мемлекет алдында жеке немесе ұжымдық еңбек сіңіргендерге берілген. КСРО Орталық Атқару Комитеті 1934 жылғы 16 сәуірдегі Қаулысымен енгізілген. Кеңес Одағының Батыры туралы Ережені КСРО Орталық Атқару Комитеті 1936 жылдың шілде айында бекіткен. Кеңес Одағының Батыры КСРО ордендерінің қатарында ең жоғары сатыда тұратын Ленин ордені, айырықшылықтың ерекше белгісі – КСРО Жоғарғы Кеңесі Президиумының 1939 жылғы тамыз айындағы Жарлығымен бекітілген «Алтын Жұлдыз» медалі мен КСРО Жоғарғы Кеңесі Президиумының Грамотасы тапсырылған.
Әр түрлі ұлттар Батырлар бір қатарында тұр. Ұлы Отан соғыс жылдар бойы Кеңес Одағының батыры атағына 60-тан астам ұлт және халық өкілдері ие болды.

Шығыс Қазақстаннан 109 жауынгерлер мен офицерлер Кеңес Одағының батыры атағына ие болды:

Рыжов Георгий Тимофеевич
(1919 - 1997)

1919 жылы Шығыс Қазақстан облысы Зырян ауданының Соловьево ауылында дүниеге келген.
Майданда 1942 жылдың қаңтар айынан баста болған. Соғысқа алғашқы рет Элиста қаласының түбінде кірді. Днестр өзенінен өту кезінде ерекше көзге түсті. Ішінде Г.Т.Рыжов бар 11 жауынгерден тұратын топ маңызды биіктікті басып алып, 36 сағат бойы оны қорғап тұрды, осы кезде дұшпанның 17 атакасын тойтарды. Он бір ержүрек жаудың екі ротаға жуығының көзін жойды.
КСРО Жоғарғы Кеңесі Президиумының 1944 жылғы 13-қыркүйектегі Жарлығымен Г.Т.Рыжовқа Кеңес Одағының Батыры атағы берілді.
1946 жылдан бастап ол Алматы қаласында тұрады.
ШҚО Соловьево ауылы көшелерінің біріне Батыр есімі берілген.

«Кеңес Одағының Батырлары - қазақстандықтар» кітабынан, 2 – том, Алматы: «Қазақстан» баспасы, 1968 ж.

Ардагерлер тізіміне қайтып оралу