1 қазан-Халықаралық қарттар күні!
Облыстық ардагерлер кеңесі ардагерлер қозғалысының белсенділері үшін «Уба» шипажайы базасында қабылдау ұйымдастырды. Үлкен өмір жолынан өткен, ел мен Шығыс Қазақстан облысының дамуына күш пен жан жұмсаған адамдар қазір жұмыс орны, тұрғылықты жері бойынша ардагерлер ұйымдарына белсенді қатысады. Бүгінгі таңда біздің ардагерлер ардагерлер ұйымдарын табысты басқарады, белсенді өмір салтын ұстануға ұмтылады, заманауи технологияларды үйренеді, спортпен шұғылданады және жастар үшін оптимизм мен өмірге деген сүйіспеншіліктің үлгісі бола отырып, түрлі іс-шараларға қатысады. Облыстың бастауыш және аудандық ардагерлер ұйымдарының 50-ден астам төрағасы үш күн ішінде демалуға, сауықтыру рәсімдерінен өтуге, әріптестерімен жұмыс тәжірибесімен алмасуға мүмкіндік алды. Мұнда «Менің Қазақстаным» патриоттық ән байқауының қорытынды кезеңі өтті, оған 11 ардагер, аудандық және қалалық байқаулардың жеңімпаздары қатысты. Қазылар алқасы бірінші орынды Өскемен қаласынаң Есмұрат Қыдырмолдановқа; 2 орынды – Чапаниди Г.Г. Риддер қаласынаң және С. Қ. Сәлиев Зайсан ауданынаң; 3 орын – Искакова Ж. Н. Глубокое ауданынаң және Тоқтамысов А. Б. Катонқарағай ауданынаң иеленді. Облыс әкімі Е. Б. Көшербаев ардагерлерді құттықтап, оларға белсенді азаматтық ұстанымдары үшін алғыс айтып, белсенділер тобына марапаттар табыс етті. Облыстың ардагерлер қозғалысын дамытуға қосқан үлесі үшін Шығыс Қазақстан облысының Құрмет грамотасымен Н. П. Рыльская – Риддер қаласы білім беру мекемелерінің бастауыш ардагерлер ұйымының төрағасы, Ж. К. Қызыров – Катонқарағай ауданы Катонқарағай ауылының бастауыш ардагерлер ұйымының төрағасы, А. М. Мурзаканов – Самар ауданы Бастаушы ауылдық округінің ардагерлер ұйымының төрағасы марапатталды. «Ардагерлер ұйымы» республикалық қоғамдық бірлестігінің Орталық Кеңесінің «Құрмет белгісі» белгісімен Шемонаиха аудандық ардагерлер кеңесінің төрағасы С.И. Лычагина марапатталды.
«Ардагерлер ұйымы» республикалық қоғамдық бірлестігінің Орталық Кеңесінің Құрмет грамотасымен Зайсан аудандық ардагерлер кеңесінің төрағасы Т. К. Молдаханов марапатталды. Сондай-ақ, бірқатар ардагерлер облыстық ардагерлер кеңесінің Құрмет грамотасымен марапатталды.
